الرئيسيه تســجيل لوحة التحكم بـحـث

 
العودة   منتدى ليال المسافرين للطيران > منتديات الطيران العامة > منتدى الطيران العام
 

 

إضافة رد
 
أدوات الموضوع
قديم 14-08-2016, 09:13 AM   رقم المشاركة : 1
عضو

   

 الصورة الرمزية سواح



سياحة السفر مش بس للي معاه فلوس ، حتى لو كنت ع الحديده !

السفر مش بس للي معاه فلوس

أوعى تصدق إن السفر ده بتاع الأغنيا وبس ..صدقني ده أى كلام. كل ما في الموضوع إنك محتاج تفهم إزاى تسافر. كل اللي هتدفعه في السفر متقسم لتلات حاجات أساسية؛ مواصلات. إقامة. المصروفات الشخصية (الأكل، الشرب، الفسح، الكام هدية، وهكذا) إزاي بقى تقدر تسافر بأبسط الطرق وأقل تكلفة ممكنة:

الطيران:
تقريبًا الطيارة هى أغلى مواصلة بتدفع فيها فلوس وأنت مسافر .. وفي معظم الأوقات هيبقى صعب أقولك فاكس الطيارة، علشان كدا الكام نقطة الجايين دول ممكن يساعدوك إنك توفر جامد في سعر الطيارة.

تقدر تدوّر هنا:
في مواقع كتير أونلاين بتساعدك إنك تلاقي أرخص تذكرة طيران. بالنسبة لي أحسنهم هو www.skyscanner.com لأنه سهل جدًا وبيعمل لك مقارنة ما بين شركات طيران كتير علشان تختار احسن وقت وأرخص سعر، وكمان فيه ميزة إن ممكن تدور على أرخص سعر لرحلتك على مدار أى فترة تحبها، وكل ما تبدأ في إنك تدّور بدري كل ما هيبقى أرخص في السعر.

اشترك تجمع أميال:
أنصح أى حد ناوي يسافر كتير إنه يبقى عضو في برنامج الأميال بتاع شركات الطيران، لأنه هيوفر لك كتير أوي لدرجة إنك ممكن تاخد تذاكر ببلاش.
بالنسبة اللي هيسافر من مصر، رأيي أنك تشترك في www.staralliance.com علشان فيها كذا شركة طيران مختلفة وتقريبًا بيغطوا العالم كله.


استغل الترانزيت:
رحلات كتير من اللي بيكون فيها ترانزيت بتبقى أرخص، ده غير إنك ممكن تستفيد من الموضوع ده وأهو تحاول تدخل بلد جديدة في السكة (طبعا محتاجة تظبيط علشان لو محتاج فيزا دخول).

سافر من برا العاصمة:
لو عندك القدرة تسافر من مدينة تانية غير القاهرة، هتلاقي تذاكر الطيران أرخص (بالذات لو مسافر من شرم الشيخ أو الغردقة لأوروبا).

اعرف عن الطيران الرخيص:
آه والله هو أسمه كده (Low Cost Carriers) وده مستوى تاني من شركات الطيران، طيارات أصغر، كراسي ضيقة شوية، مفيش وجبات ولا مشروبات ع الطيارة إلا بفلوس، من الأخر مالكش غير كرسيك وشنطة صغيرة تطلع بيها ع الطيارة .. بس الصراحة أرخص كتير وعمتا مع الوقت هتكتشف إنك مش محتاج حاجة تانية .. أشهر الشركات اللي من النوع ده "Air Asia" و "Easy Jet".


المواصلات العامة:
أكيد مش بنتكلم على التوفير وأول ما توصل تاخد تاكسي أو تركب مع بتوع "ليموزين سير ؟!" .. عليك وعلى المواصلات العامة؛ أتوبيس أو مترو وفي دولة زى كامبوديا مثلِا هيكون توك توك.


أعمل أشتراك:
في مدينة زى لندن مثلا هتلاقي كارت أسمه "Oyster Card" وده الميزة فيه إنك بتدفع مبلغ معين على حسب مدة إقامتك وبيسمح لك تركب المترو والأتوبيسات براحتك وبيعمل ك خصم على القطر كمان لو حابب تسافر برا لندن.
عمتا ده العادي في معظم الدول مع إختلاف المسميات يعني, بس القاعدة هى إن الإشتراك الأسبوعي أو الشهري أرخصلك كتير.

للطلبة وكبار السن:
غالبًا مفيش حد فوق الـ٦٠ هـيبقى بيقرا بس لو فيه فانتم ليكم و للطلبة خصومات على المواصلات العامة في معظم الدول (مش شرط تكون بتدرس في البلد نفسها، المهم يكون معاك إثبات بالإنجليزي إنك طالب في اى بلد).


الإيجار:
نبدأ بقى في ليفيل السفر على حق والمواصلات اللي بتوفر جامد .. واحدة من أسهل وأرخص المواصلات هتكون إنك تأجر عجلة أو في بعض البلاد ممكن تأجر موتوسيكل.


لمة السفر حلوة:
اللمة في السفر مش بس حلوة، لأ ده كمان أرخص بكتير، وعلشان كدا ممكن تستخدم موقع زى ده www.blablacar.co.uk وتشوف من عليه مين طالع بعربية لنفس المكان اللي انت عايزه وتظبط سفرك معاه مقابل تمن بسيط قوي إنك هتركب عربيته.


الأتو ستوب:
الـ"Hitch Hiking" أو اللي إحنا بنقول عليه في مصر الـ"Auto Stop" .. المهم إن الطريقة ده ببلاش خالص بقى، وفيه ناس بتستخدمها علشان تسافر من بلد لبلد تانية خالص. أنا الصراحة جربت الموضوع جوا نفس البلد وبينفع وزى ما في ناس بتفكس لك، فيه غيرهم بيرضى ياخدك معاه.
يمكن مشكلة الموضوع ده إنه محتاج شوية وقت على ما حد يرضى يقف لك وللأسف مش كل البلاد بنفس السهولة، يعني فيه شعوب لسه مش متقبلة فكرة إنها تقف لواحد غريب بيشاور لهم في نص الشارع.


الموتورجل:
يعني تمشي على رجليك، ودي طريقتي المفضلة من كل أنواع المواصلات اللي فاتت ده .. لأنها ببلاش، وأنت صاحب القرار في المكان الي هتروحه ومتحكم في الوقت اللي هتروح فيه وتمشي منه، ده غير إنها أحسن طريقة تكتشف بيها المدن وتشوف فيها أماكن مستخبية كتير.

نصيحة عامة: حاول تسافر بالليل لأن منها هتوفر تمن ليلة في المكان اللي قاعد فيه، ومنها مابقاش ضيعت أى وقت من رحلتك في المواصلات. لأن ده وقت نوم كده كده :)

توقيع الكابتن سواح

تنبيه هام ياكابتن  غير مسجل  لتجنب حظر عضويتك
عند الرد على موضوع لا تحشو ردك بحروف مكرره، لا ترد باللغة الانجليزية
كُن إيجابيًا و انتقي أجمل العبارات لترد بهاعلى من اجتهد وأحب أن يفيدك بمحتوى موضوعه.
للإطلاع على كامل المخالفات المرفوضـة و تجنبها (أضغط هنا)

سواح غير متصل     رد مع اقتباس
قديم 03-10-2016, 12:53 AM   رقم المشاركة : 2

   

 الصورة الرمزية AHMED_AD




افتراضي

واذا هالطرق كلها ماتناسب تقدر تسافر بخيالك بعد وراح تستمتع جدا

تحياتي

توقيع الكابتن AHMED_AD

تنبيه هام ياكابتن  غير مسجل  لتجنب حظر عضويتك
عند الرد على موضوع لا تحشو ردك بحروف مكرره، لا ترد باللغة الانجليزية
كُن إيجابيًا و انتقي أجمل العبارات لترد بهاعلى من اجتهد وأحب أن يفيدك بمحتوى موضوعه.
للإطلاع على كامل المخالفات المرفوضـة و تجنبها (أضغط هنا)

AHMED_AD غير متصل     رد مع اقتباس
قديم 12-12-2016, 10:55 AM   رقم المشاركة : 3

   

 الصورة الرمزية ارسيسك




افتراضي

نشكر كل رائع ينفعنا بما هو رائع ومفيد

توقيع الكابتن ارسيسك

تنبيه هام ياكابتن  غير مسجل  لتجنب حظر عضويتك
عند الرد على موضوع لا تحشو ردك بحروف مكرره، لا ترد باللغة الانجليزية
كُن إيجابيًا و انتقي أجمل العبارات لترد بهاعلى من اجتهد وأحب أن يفيدك بمحتوى موضوعه.
للإطلاع على كامل المخالفات المرفوضـة و تجنبها (أضغط هنا)

ارسيسك غير متصل     رد مع اقتباس
قديم 16-12-2016, 03:04 PM   رقم المشاركة : 4
كابتن جديد

   

 الصورة الرمزية عارف الطريق




افتراضي

نشكر كل رائع يبذل وقته من اجل نفع الناس

توقيع الكابتن عارف الطريق

تنبيه هام ياكابتن  غير مسجل  لتجنب حظر عضويتك
عند الرد على موضوع لا تحشو ردك بحروف مكرره، لا ترد باللغة الانجليزية
كُن إيجابيًا و انتقي أجمل العبارات لترد بهاعلى من اجتهد وأحب أن يفيدك بمحتوى موضوعه.
للإطلاع على كامل المخالفات المرفوضـة و تجنبها (أضغط هنا)

عارف الطريق غير متصل     رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:05 PM


Powered by vBulletin® Version 3.8.7
Copyright ©2000 - 2017, Jelsoft Enterprises Ltd
شبكة ليال المسافرين للطيران

Security team