الرئيسيه تســجيل لوحة التحكم بـحـث

 
العودة   منتدى ليال المسافرين للطيران > منتديات الطيران العامة > منتدى الطيران العام
 

 

إضافة رد
 
أدوات الموضوع
قديم 14-08-2016, 11:07 AM   رقم المشاركة : 1
عضو

   

 الصورة الرمزية سواح



سياحة توجيهات من جوا الطيارة

توجيهات من جوا الطيارة

1- الشنطة:

أول ما تدخل الطيارة طلع الحاجات اللي هتحتاجها من الشنطة وخليها معاك – علشان مش كل شوية تقوم بالذات لو قاعد جنب الشباك – وبعد كده حط الشنطة في الكابينة اللي فوق، او لو شنطتك صغيرة ممكن تحطها تحت الكرسي بتاعك.

نصيحة .. الجو في الطيارة بيبقى برد وفي شركات طيران مش بتوزع “Blankets” فخلي معاك جاكيت مثلا في الشنطة.


2- ده مش ميكروباص:
ده طيارة وكل واحد ليه مكان محدد يقعد فيه، يعني مش ميكروباص وباللي يلحق ..عايز تقعد جنب الشباك يبقى تحجز الكرسي اللي أنت عايزه “Online” من وأنت في بيتكم أو تيجي المطار بدري حبتين وتقول لموظف الشركة وهو بيعملك ال”Boarding” إنك عايز تقعد جنب الشباك.


3- أختار مكان صح:
أماكن الطيارة مش كلها واحد، وعلى حسب إنت عايز إيه لازم تنقي مكان يناسب إختيارك ده.. يعني لو عايز تتفرج ع المنظر، مش هتقعد جنب أى شباك وخلاص، لكن حاول تكون بعيد عن الجناح والأحسن لو بقيت قدامه علشان المنظر من فوق مش حلو وفي نصه جناح الطيارة.

لو حضرتك مليان شوية أو طويل شويتين، حاول تقعد في أول صف لأن قدامه مساحة أكبر من باقي الصفوف .. ملقتش مكان في الصف ده، أقعد في أى صف بس ع الممر .. لو كل ده مش مريحك، سافر بيزنس بقى!

لو عايز تنام، أقعد جنب الشباك..منها تسند عليه بدل يا عيني ما دماغك تفضل تتمرجح، ومنها محدش يقومك كل شوية علشان يدخل الحمام (في ناس ربنا بيسهلهم في الطيارة قوي).

وأخيرًا، أبعد عن الجناح ومتقعدش في أخر الطيارة .. علشان دوشة المحركات بتكون عالية قوي في الأماكن ده.

4- يا تنام ..يا تأكل:
طبعا أنا عمري ما أقتنعت بالجمل دي..بص يا كبير لو أنت زى حالاتي مقتنع إن أحلى حاجة في الطيارة إنك تنام وفي نفس الوقت الأكل عندك حاجة مقدسة مينفعش تفوتك. ففي طريقتين؛ الأولى هى لو شركة طيران محترمة هتلاقيهم موزعين عليك كذا ستيكر من عينة “Don’t Disturb” أو “Wake Me Up For Meals” وده اللي يهمنا لأنك هتلزقه في مكان واضح ع الكرسي بتاعك ولما يجي الأكل، المضيفة هتصحيك. الطريقة التانية لو مفيش الستيكر هى إنك تفهّم صف المضيفات إنك لازم تصحى ساعة الأكل، يا إما هترتكب جريمة وهتخطف الطيارة.

5- مش عارف أنام:
ركبت مع ناس كتير قبل كده عندهم موضوع النوم في الطيارة ده حاجة صعبة قوي .. للناس ده, جربوا تجيبوا معاكم سماعة مريحة من اللي بتعزل الصوت أو لوحسيت إنها غالية جيب سدادة الودن الصغيرة, جيب أى حاجة تغطي بيها عينك وأطفي النور اللي فوقيك. وممكن تجيب المخدة ال”U-Shaped” بتاعة السفر. برضه مش عارف تنام ؟! يبقى تروح ترجع كل اللي جبته ده، ماعدا المخدة ممكن تديهالي .. وركز في النقطة اللي جاية لأنها علشانك.

6- أستمتع بالطيارة:
في حاجات كتير ممكن تتعمل في الطيارة، شوف المنظر الرائع من فوق، بس أكيد مش هتفضل مبحلق في الشباك طول الرحلة، استخدم الشاشة اللي قدام كرسيك هتلاقي فيها أفلام وأغاني و شوية ألعاب فكسانة كده، حاول تقرأ المجلات اللي في الطيارة، ساعات بيبقى فيها معلومات كويسة عن السفر والأماكن السياحية، أو تكون واخد معاك كتاب تخلصه في الطيارة. سافرت قبل كدا في طيارات كان فيها “Wifi” .. الصراحة كان شعور عظيم إنك تبقى “Connected” من على إرتفاع 10 كم فوق الأرض. حاول تتكلم مع الناس اللي راكبين جنبك في الطيارة بالذات لو الرحلة طويلة .. إحتمال كبير تستفاد اى حاجة، سواء خبرات أو قصص أو ثقافة أو حتى صديق جديد (إن شاء الله هكتب حاجة عن أكتر ناس مميزة قابلتهم في الطيارات).

7- بلاش سخافة:
أتكلم مع الناس اللي جنبك وكل حاجة, بس لو لقيتني بدأت أتاوب, فملهاش غير معنى من أتنين .. إني مرهق وفعلا عاوز أنام, أو إني مش عايز أكمل هرى في اللي أنت بتقوله ده .. فسيبني في حالي !!

للشباب الحلوة اللي ساب الأرض كلها وطالع يظبط ويعاكس بنات فوق السحاب .. أولًا، المضيفة دي موظفة في شركة محترمة وعادي في منهم الكويس وفي اللي مش تمام زى أى مكان، يعني مش واقفة لك على ناصية شارع الهرم، فبلاش تعيش في جو عادل إمام في فيلم السفارة في العمارة ده وأعرف إنها لما بتبتسم لك، فده شغلها مش أكتر. ثانيًا، لو في بنت قاعدة جنبك في الطيارة، فـ ياريت تبقى عارف إنها والله العظيم ولا كانت تعرف انت هتبقى قاعد فين يعني هى مش معجبة بجمال سعادتك علشان كدا قعدت جنبك الموضوع كله إن الموظف حجز لكم جنب بعض علشان ده المكان اللي كان فاضي.

لما المضيفة تقول إنهم بيلموا السماعات. فملوش لازمة تعمل خناقة إن الطيارة لسة فاضلها 20 دقيقة وإن باقي لك في الفيلم 10 دقايق عايز تكملهم .. اولا, هما بيعملوا كدا لأن ال”landing” يعتبر من أخطر المراحل في الرحلة وهما بيبقوا عايزين يتأكدوا إن مفيش حاجة تعوق الناس في حالة الطوارئ.

8- أبعد عنها الساعة دي:
في نوعية من المضيفات حاول تتجنبهم خالص .. ده تقريبًا بتكون المضيفة المصرية اللي في التلاتينات وبتكون شايفة إن إزاى واحد تافه زيينا يركب طيارة، وبيبقى هاين عليها تقول لك لو طلبت منها حاجة “قوم جيبها لنفسك يا حبيبي .. أنت مش مكسح”.

أبعد عن وشها في الوقت ده خالص ومش لازم تطلب طلبات غريبة، يعني إيه عايز مياة علشان عطشان ؟! مش هنستهبل, اللي قدك كبر وبقى بيصوم .. قلة أدب صحيح !!

9- الهايدراشن:
الجو في الطيارة بيبقى جاف جدًا، فياريت لو تشرب مياة كل شوية بشكل منتظم (إلا لو قابلتك المضيفة إياها، فالجفاف حلو مش مشكلة). الإختلاف في ضغظ الجو بيضايق ناس كتير أوي، بس ممكن تمضغ لبان هيساعد جامد إنك متحسش بالضغط ده على ودانك. واخر حاجة لو مسافر مسافات طويلة، أعمل تمارين في مكانك ويبقى أحسن لو قمت كل فترة كدا تتمشى في الممر.

10- فهموا صحابكم:
هى النصيحة ده مش لأى حد عارف يقرأ الكلام ده، بس لو تسمحوا تفهموها لصحابكم الأجانب: أنا مش مضطر أشوف نظرات الرعب والخوف في عيون الناس كل مرة أسبح أو أصلي فيها ع الطيارة .. والله ده مش معناه خالص إني قررت أفجرها!

توقيع الكابتن سواح

تنبيه هام ياكابتن  غير مسجل  لتجنب حظر عضويتك
عند الرد على موضوع لا تحشو ردك بحروف مكرره، لا ترد باللغة الانجليزية
كُن إيجابيًا و انتقي أجمل العبارات لترد بهاعلى من اجتهد وأحب أن يفيدك بمحتوى موضوعه.
للإطلاع على كامل المخالفات المرفوضـة و تجنبها (أضغط هنا)

سواح غير متصل     رد مع اقتباس
قديم 03-10-2016, 12:56 AM   رقم المشاركة : 2

   

 الصورة الرمزية AHMED_AD




افتراضي

ههههههههه

معلومات مفيده اتمنى الناس تستفيد منها

توقيع الكابتن AHMED_AD

تنبيه هام ياكابتن  غير مسجل  لتجنب حظر عضويتك
عند الرد على موضوع لا تحشو ردك بحروف مكرره، لا ترد باللغة الانجليزية
كُن إيجابيًا و انتقي أجمل العبارات لترد بهاعلى من اجتهد وأحب أن يفيدك بمحتوى موضوعه.
للإطلاع على كامل المخالفات المرفوضـة و تجنبها (أضغط هنا)

AHMED_AD غير متصل     رد مع اقتباس
قديم 06-12-2016, 12:16 PM   رقم المشاركة : 3

   

 الصورة الرمزية atefomran




افتراضي

ما شاء الله اسلوبك جميل فى الكتابة

توقيع الكابتن atefomran

تنبيه هام ياكابتن  غير مسجل  لتجنب حظر عضويتك
عند الرد على موضوع لا تحشو ردك بحروف مكرره، لا ترد باللغة الانجليزية
كُن إيجابيًا و انتقي أجمل العبارات لترد بهاعلى من اجتهد وأحب أن يفيدك بمحتوى موضوعه.
للإطلاع على كامل المخالفات المرفوضـة و تجنبها (أضغط هنا)

atefomran غير متصل     رد مع اقتباس
قديم 04-01-2017, 04:38 PM   رقم المشاركة : 4
كابتن جديد

   

 الصورة الرمزية مروة مصطفي




افتراضي

تسلم على المجهود الرائع

توقيع الكابتن مروة مصطفي

تنبيه هام ياكابتن  غير مسجل  لتجنب حظر عضويتك
عند الرد على موضوع لا تحشو ردك بحروف مكرره، لا ترد باللغة الانجليزية
كُن إيجابيًا و انتقي أجمل العبارات لترد بهاعلى من اجتهد وأحب أن يفيدك بمحتوى موضوعه.
للإطلاع على كامل المخالفات المرفوضـة و تجنبها (أضغط هنا)

مروة مصطفي غير متصل     رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:20 AM


Powered by vBulletin® Version 3.8.7
Copyright ©2000 - 2017, Jelsoft Enterprises Ltd
شبكة ليال المسافرين للطيران

Security team